La Mal Coiffee Filhas Que Ses A Maridar
Filha que sès a maridar (bis)
Siás pas tant cap levada
Que te lo faràn acatar
Quand seràs maridada
Quand seràs per te maridar
Que lo pressar te tengue pas
Siás ben intelligenta
E digas pas totjorn "òc ben"
Coma un tròç d'inocenta
Quand maridada ne seràs
Un pauc de melhor temps auràs
Un pauc mas non pas gaire
Que ton marit serà gelós
E mai un pauc renaire
Se te vòls anar passejar
Enluòc de te daissar anar
Qu'a l'ostal de ta maire
En mai encara te dirà
"I demòres pas gaire"
Al cap de nòu meses un an
Auràs un plan polit enfant
L'enfant serà ploraire
Tota la nuèit lo breçaràs
Non dormiràs pas gaire
Auràs lo cotilhon pissós
Auràs lo devantal crassós
Seràs la mal cofada
Maudiràs l'ora emai lo jorn
Que te sès maridada.
—
Fille qui es à marier,
ne fais pas trop la fière.
car on te fera baisser le nez
quand tu seras mariée.
Au moment de te marier
ne sois pas si pressée,
sois intelligente,
et ne dit pas toujours oui
Comme une pauvre innocente.
Quand tu seras marié,
tu auras un peu de bon temps.
un peu seulement,
car ton mari sera jaloux
et même un peu hargneux.
Si tu veux aller te promener,
le seul lieu où il te laissera aller
sera chez ta mère
et encore il te dira :
N'y reste guère !
Au bout de neuf mois, un an,
Tu auras un bien joli enfant.
L'enfant pleurera,
Toute la nuit tu le berceras,
tu ne dormiras guère.
Tu auras le jupon pisseux.
Tu auras le tablier crasseux.
Tu seras la mal-coiffée.
Tu maudiras l'heure et le jour
où tu t'es mariée.
