Torero Lyrics

Renato Carosone Torero

Tu pierde 'o suonno 'ncoppe giurnalette
e mammete minaccia
e patete s'arraggia.
Te fanno girà 'a capa sti "fumette",
guardannote 'into specchio
vuoi fare il toreador
comme fanno a Santafé
comme fanno ad Hollivud,
e cu sta scusa, oi nè, nun studie cchiù!...

Oh! Torero!.
Te si' piazzato 'ncapo stu sombrero,
dice che si' spagnuolo e nun è overo,
che nacchere 'inta sacca vai a ballà
mescolando bolero e "cia-cia",
chi vuò 'mbruglià!...
Torero!
Cu sti basette a' sud americano,
cu' 'nu sicario avana e 'a cammesella 'e picchè!...
Torero!
Torero!
Olè!...

Te fatto 'a giacchettella corta, corta,
'o cazunciello astritto
e 'o ricciulillo 'nfronte.
Te ride 'a gente areto e nun te 'mporta,
te sienti un Marlon Brando
che a spasso se ne va
per le vie di Santafé,
per le vie di "Holivud"
e 'a 'nnammurata toia nun te vè cchiù!...

Oh! Torero!
Te si' piazzato 'ncapo stu sombrero,
dice che si' spagnuolo e nun è overo,
che nacchere 'inta sacca vai a ballà
mescolando bolero e "cià-cià",
chi vuò 'mbruglià!...
Torero!...
Cu sti basette a' sud americano,
cu' 'nu sicario avana e 'a cammesella 'e picchè!...
Torero!
Torero!
Olè!...

Oh! Torero!
E levatillo 'a capo stu sombrero,
nun si' spagnuolo e nun si' caballero...
Sti nacchere tu nun 'e saie sunà
e sti nacchere tu che ne 'a fa?...
Bello 'e mammà!...
Torero!...
Cu' sti basette a' sud americano,
cu' 'nu sicario avana e 'a cammesella 'e picchè!...
Torero!...
Torero!...
Olè!...