Home Page »  D »  Dicht & Ergreifend
   

Nein To Five Lyrics


Dicht & Ergreifend Nein To Five

[Verse 1: George Urquell]

Dia gehd dei Obahd gegan Strich
Oba dei Chief gehd ned drauf ei'
Es gehd me zwoa nix oh
Geh scheiß auf'n Disch und wisch' eahm oane 'nei

Geh zum Kopiera, kopieah dein Osch
Tapezier' sei Konterfei
Deine Kündigung stehd glei' nix mehr im Weg
Geh pock dei Zeig, sog
Nein to Five!

Let the holidays begin
Und scho' verreist eah ausnahmsweis' ohne Frau und Kind
Vaschwind mit seine Dimpfe'n g'schwind wia da Wind nach Geiselwind
Und ob ah dann wiedakimmd steht gonz woanders g'schrie'm

Dunkelziffern wer'n zum Lichtblick
Das Niveau is' wieda moi so nieda wia d'Erwerblosenstatistik
Davo' konn i dia a Liad'l oda wenn's pressiert a G'stanz'l singa
Soga' a Blinda find bei uns dahoam an Job ois Fandlwingga

I hob scho '99 mein Rentenbescheid zu [?] verbaut
A Crackhur' braucht koa Stechuhr oba a Kiffabraut Schichturlaub
Faulheit kennd koa Kreizweh, i wui a g'regelt's Grundgehalt
I bestreit' ois aussa mein Lebensunterhalt

Das Vaterland verlangt Tatendrang, Tantiemen kriag i von da Samenbank
Wos soi i auf'm Arbeitsamt mit am Schwanz so lang wia a Fahnenstang'?
Nenn mi Onan der Barbar, a Cumshot der is' glei' verteilt
An' Mindestlohn-Messias schreib i: i reich heid
Nein to Five!

[Chorus]
Nein to Five
Nein to Five
Na-na Nein to Five
Na-na-na-na Nein to Five

[Verse 2: Lef Dutti]
Steah da voa du steahst di ständig wo voa oba koana steihd di ei'
Dann steih da was zum Raucha auf, steih di ned so oh oda steihd da moi schnei an nei
Steih' di nimma länga in die Schlang' voam Amt weil die Antwort g'langt oi'wei
Steih' da dan Wecka, dring an Kaffee, und leg di wieda hi', sog
Nein to Five!

Iah kennt's mi ned kündigen, iah miassd mi vakaffa
Des is am Sklavenmarkt ja damois scho' ollawei so g'laffa
Minimum ist maximal der Mindestlohn
Eiah Bauch ist voll mid Rinderbrod'n
Du brauchst es nimma länga hindagfrog'n
Fia g'fund'n's Fressen gibt's koan Findalohn

I bin lieba arm und g'sund ois stinkreich und beim Bund
Loss mi nimma blicka wia im Winta zu für 8 Mark 50 in da Stund
Wennsd mi frogst is de Stichsog vom Einhell a recht's Schindag'lump
I roass mia doch koin Hacks' aus dass i mia an Arm obschneid (Behinderung!)

Na, mi wundad nix meah bei dera Schulreform
Liaba ster'mvoi Dregg in da Untabix ois a saubane Uniform
Um sechse aufsteh'n, um sie'me gehd da Bus und dann von achte bis oans
Voa zwoa bisd ned dahoam, und moang wieda von voan

Du sagsd dassd'n mogst oba ned verdragst und dringsd'n auf oamoi doch ned
Seibabrennda Schnops mochd blind oba erst moi siehgst ois duppehd
Bei da Hacklarei konnsd ne hacke sei'
Sonsd hausd da irgendwann a moi dei Hacke' nei
Moch di frei und hau di nei, nein zu, nein zu
Nein zu Five!

[Chorus]
Nein to Five
Nein to Five
Na-na Nein to Five
Na-na-na-na Nein to Five

[Bridge]
Die Giganten sog'n nein to five
Gründ'n iah eigen's Kaisareich
Einigkeit und Recht und Freizeit
Wia leg'n uns heid an Meil'nstein
Bloass ka foische Eitelkeit
Na zu ja und a mei nu a ja zu
Nein zu Five

[Chorus]
Nein to Five
Nein to Five
Nein to Five
Nein to Five


Browse: