't Hof Van Commerce Ik Wil U Geld
[Strofe 1: Kowlier]
Gin thof moa sjiéns, westvloams, gin Gent
Adidas gin vans, otid vwurt gin trends
Hip hop gin dance, pannekoekn gin flans
Gin KIA's moa benz, 100duzende fans
Nuja en ton, ik lwupe wel krom
Moa tes van kôd enne om me zakkn
Dus tkan mie nie bomn
Komt de fiscus ip mie of, kgoa mie skwuijer vermomn
En tegen de skwuijer an de luchtn
Geboarek mie van dom
Kpakket geld ut de ofrande, kgeef de kwezels ne bok
Tverskil goan ze nie voeln, want de paster doet wok
Moe nie peizn van te klikkn of get me mie an de stock
Klat u spoorloos verdwin in ne betongne blok
Kverkwup u us dak zelve pachte en kgeboare van niet
5 percent goa noa de flikkn en té niemand diet ziet
In verband me die belegingn dak gedoan è verskiet
Két over doadsverkloaringe, dus officjiéél faiet
[Refrein]
Woar es u geld, ik wil u geld, gef mie u geld
Woar is u geld, woar is u geld, ik wil u geld
Gef mie u geld, u geld
[Strofe 2: Buzze]
Tis ier tjin en tander, da kik wel zo willn
Ik zie zwudoanig vele ik è nwud an drie, vier brilln
Kwille kriegn, kwille winn, kwille kwupn, kwille vinn
Kwille tandn van ne noudn
En kwille dwugn van ne blindn
Azoa nie anders, olles in orde, gin spanders
Ik pakke de commesies ut de moeders under panders
Kpakke de lekstok van ne klein
Kbreke da stockske in twjién
Kpakke zin kossn zin skoen en toar van up zin bjién
Ik pakke wuk da kwille en kwille wuk dak zie
Tkan mie nie skeeln oevele dat is
Zolange dat et moa mjiér is of van gie
Ik wille olles 3 kjiérs, ik wille 7 mercedes
Kwille brievkes van 10duzd rond min goune lampadèrs
Kwille cash, kwille starsh
Kwille mee acteern in mash
Ik wille ipkusn ip de beurze
En spendeern voe de flash
Ik wille winn bie risk, ip ntop van obisk
Ik rol oljiéné zessn en kpakket ip, ip mini-disc
[Refrein]
Woar es u geld, ik wil u geld, gef mie u geld
Woar is u geld, woar is u geld, ik wil u geld
Gef mie u geld, u geld
[Strofe 3: Buzze]
Gèf mie jun beurze, gèf mie jun kljiérn
Gèf mie jun teetne, ik goat gjiélegans vertèrn
Ik recht ip u grief, voe moa te zwiègn van u lief
Moa kwille nie roern in u sause
En derbie ze noemt steve
Gèf mie jun meter eur fortun en eur ne zerk in ardun
De pottn me eur assn en tgès ut eur ne tunn
Ik wille de longn van gods zin moeder
En nbijbel van ieder broeder
Gèf mie jezus zinne board en ol de skoapn van ieder hoeder
[Strofe 4: Kowlier]
Ik ben ne zak, moa ne zak vul geld
En wuk da sjiéne en oebe zegt is tjiéneste da telt
Overol dak kome were kik vergezeld
En gie moa kloagn dat u koarte leeg is oj belt
Ok ne klein zie me ne GSM ton ist ie van mie
M'n pa ga toch ne nieuwn betoaln, gelwuf mie moa vrie
Enfin, zukke kansn loatn liggn, kanne kik nie
Ik belle ip zin kostn noa ne sekslinne of drie
[Refrein]
Woar es u geld, ik wil u geld, gef mie u geld
Woar is u geld, woar is u geld, ik wil u geld
Gef mie u geld, u geld