Rumpelstilz Kiosk
[Songtext von Polo Hofer]
[Schtrofä 1]
Also
Är sammli für ne guete Zwäck
Seit dä Fritz, wo vor mer steit
Derby muesi sälber sammle, we das so wyter geit
Si wei aui öppis vo mer
Ds Militär u ds Stüürbüro
Obschon si ersch grad chürzlech hei my Zahltag übercho
[Schtrofä 2]
Nachhär heisst's I myre Stammbeiz
"Du zahl mer no es Bier"
Aber I weis nid wohär näh, I bi ja schliesslech sälber stier
Und da chunnt scho wider eine
Wott es Zigarette näh
Natürlech isch's my Letschti gsy, unes Füür hanem ou no gäh
[Röfrä]
Bini Gottfriedstutz e Kiosk? Oder bini öppen e Bank?
Oder gseehni uus wines Hotel? Oder wine Kasseschrank?
Bini Gottfriedstutz e Kiosk? Oder bini öppen e Bank?
Oder gseehni uus wines Hotel? Oder wine Kasseschrank?
[Schtrofä 3]
Ja, da chunnt sone wilde Hippie mit gflickte Hosebei
U fragt mi überfründlech
"Säg, hesch mer nid zwe Schtei?"
U chuum zäh Meter wyter, da quatscht mi eine aa
Es läng em nid für ds Busbillet, öb är chönnt es Füffzgi ha
[Schtrofä 4]
Un I chätsche mi Chätschgummi, da lacht mi es Meitli aa
Lat d Wimpere la klimpere u seit
"Darf I eine ha?"
Äs wüssi nid wo pfuuse, öb's vilich gieng bi mir?
Aber si hei mer doch grad kündet, I stah sälber vor der Tür
[Röfrä]
Bini Gottfriedstutz e Kiosk? Oder bini öppen e Bank?
Oder gseehni uus wines Hotel? Oder wine Kasseschrank?
Bini Gottfriedstutz e Kiosk? Oder bini öppen e Bank?
Oder gseehni uus wines Hotel? Oder wine Kasseschrank?
[Solo]
[Schluss]
I bi Gottfriedstutz kei Kiosk! I bi Gottfriedstutz kei Bank!
Und I gseeh ni uus wines Hotel und nid wine Kasseschrank!
