Rowwen Heze Vergeate
Dat doar is Lei, Lei is enne boor
Het koewe en prei en verkeupt alles door
‘s merges vroeg op, de gaanse daag werke
En nou zit ‘ie heer, zo zwart als ‘n verke
Gister het heej nog tot drie oor gezeate
Allien ziene jas, din is ‘ie vergeate
‘t is kermis, en dan is ‘t heer altied druk
Kermis of neet, op d'n hook op die kruk
Doar zit aalt dezelfde, echt zonne stille
Beroepsvreejgezel ziene tied te verspille
Vertelt oaver vroeger, het veul oetgevreate
Allien ziene naam, din ben ik vergeate
‘t zelfde bendje stiet heer wir te speule
En ik denk dat ik wiet hoe zeej zich nou veule
Ge makt wal muziek, mar gen mins din ‘t snapt
Iederien drinkt en niemand di klapt
Ge mot wal van geld of muziek zien bezeate
Of op zien minst snel kunne vergeate
Jopie ken ik nog van hiel lang gelijje
Dat waas enne linke en ni gauw tevrijje
Haj mojte met drank, mojte met vrouwe
Totdat zeej ‘m vroog, toen zien ze goan trouwe
Um twelf oor nar bed en um half zes eate
Nou is alles wir good, umdat ze vergeate
Mark din is sleum, di wet alles van cente
Van koepe, belegge, van rente op rente
Van hoe ge op termien ‘t beste kunt spare
En van roeie wien en dikke sigare
Sigare zo lang, die kunde ni meate
Heej het weer gen veur, dat is ‘ie vergeate
Jan het gedronke, proat oaver d'n doed:
‘Gister kwaam ik nog in Ysselsteyn oet
Dat kerkhof stiet vol met ontelbare kruuze
Ontelbare rijje met nog veul mier Pruuse
Ik heb ‘n kwarteer bij dat burdje gezeate
‘t blieft vrede zoelang als weej dit neet vergeate'
