Greis I Wott Aus
[Intro]
Yeah
Greis u Bligg bis id Ewigkeit
C K C K los
[Verse 1: Greis]
Bis zum Tod isch nüt vorbestimmt
U mir hei glych d Wahl
I mire Gschicht spricht nüt für nes grosses Schicksal
Ke schwäri Jugend, Armuet oder Millione
Nume genetisch prädisponiert für Depressione
Ke Spinner, Ke Daddy spendiert u Mami chocht
Kes Genie doch glych überdimensionierti Ambitione
Kes Nahtoderläbnis wo mi erlüchtet
Nüt aus e typische Durchschnittsbürger
Nid würklech hässlech
Nid würklech modelmässig
Meh so Mittufäud, zwüsche und Lenny Kravitz
Doch i wott meh aus normau
Si au us der Wäut aber i wott über mi usewachse
I wott aus, bringe Greis id Gschicht
Egau was es isch, i bi nid bereit z'verzichte
Gib mer doch nid für ne Troschtprys di Herti
I wott s Füfi, ds Weggli u d Tochter vom Becker
[Chorus]
I wott aus
I wott aus
Sinnvou schaffen und glych no Spass
Mi Troum wahr und Liebi bhaute
Aus begehre bis zum Härzinfarkt
I wott aus
I wott aus
Schicksal bhaut mer Shit vom Hals
Zuegfiggt und glückerfüllt ids Grab
Wär d Macht het söu doch d Schuld für mi trage
[Verse 2: Greis]
Mi Grosspère het immer gseit "Los, OK..."
Hmm, het emu nüt gseit wo mer isch blybe
Gibe weder acht das i jedes mau d Ehre bhaute und gheie mer die Heldetate grad usem Ärmu abe
Ha ou nid ds Gfüeu dasi zweni kiffet u gfyyret hät
I weiss emu nümme vor Zyt zwüsche 14 und 24gi
Usser das i nüt z'verlüre ha
Doch aues wird kompliziert we me mues afah Mieti u Stüre zahle
Und doch sträbi wi Sou
Friss aus ob i es Ross wär u ghei di gross Wäut i mi Troum
U trotz schlächte Verglych mit Huuftier
f..ck, i wott aus gäh für mi Troum, gallopp, wieher
I wott aus, bringe Greis id Gschicht
Egau was es isch, i bi nid bereit z'verzichte
Gib mer doch nid für ne Troschtprys di Herti
I wott s Füfi, ds Weggli u d Tochter vom Becker
[Chorus]
I wott aus
I wott aus
Sinnvou schaffen und glych no Spass
Mi Troum wahr und Liebi bhaute
Aus begehre bis zum Härzinfarkt
I wott aus
I wott aus
Schicksal bhaut mer Shit vom Hals
Zuegfiggt und glückerfüllt ids Grab
Wär d Macht het söu doch d Schuld für mi trage
[Verse 3: Greis]
Mängisch gloubi i cha mi nur dür frömdi Ouge betrachte
Und d Foug isch, i würd aues mache für chly Beachtig
Aber klar i rap us Liebi zur Kunscht, für was de süsch
Emu sicher nid für Cash oder härzigi Ärsch und Brüscht
Wi abwägig
Wär wott ds scho u wieso würdi schaffe hert
Wett nid dasi mau eines Tages mit es paar kreative Portemonnaiebastler chönnt Aquarell male bi Cherzeliecht u Röicherstäbli i gnosseschaftlech gmieteten Atelier
I bi nid gross oder starch, i bi nur wortgwandt
Erfoug macht sexy und git weniger z'tüeh aus Sport mache
Aus Typ chasch mache wasd wosch, Mann
Wäri e Frou wäri bekannt aus di gröschti Dorfschlampe
I engagiere mi nid us Liebi zur Mönschheit
Wett nume das d Lüüt fingen i sig der gröscht Held
S git ke schlächte Grund zum ds richtige mache
Richtig isch gfiggt und d Gschicht wird mer rächt gäh
I wott aus, bringe Greis id Gschicht
Egau was es isch, i bi nid bereit z'verzichte
Gib mer doch nid für ne Troschtprys di Herti
I wott s Füfi, ds Weggli u d Tochter vom Becker
[Chorus]
I wott aus
I wott aus
Sinnvou schaffen und glych no Spass
Mi Troum wahr und Liebi bhaute
Aus begehre bis zum Härzinfarkt
I wott aus
I wott aus
Schicksal bhaut mer Shit vom Hals
Zuegfiggt und glückerfüllt ids Grab
Wär d Macht het söu doch d Schuld für mi trage
I wott aus
I wott aus
Sinnvou schaffen und glych no Spass
Mi Troum wahr und Liebi bhaute
Aus begehre bis zum Härzinfarkt
I wott aus
I wott aus
Schicksal bhaut mer Shit vom Hals
Zuegfiggt und glückerfüllt ids Grab
Wär d Macht het söu doch d Schuld für mi trage
