Biermosl Blosn Das Europafest
Heit gibts in Hausen ein Programm, wia ma's alle zehn Jahr oamoi habn
As ganze Dorf spuit heit verruckt, de Bloskapoin is scho ausgruckt
D'Franzosn von da Partnergmoa san gestern ogruckt aus "Les Bois"
Nach am Fuaßboispui gegn unsre Gäst, do gibts im Bierzoit ein Europafest!
Aufn Gottesdienst am Sportplatz drauß, tauschn d' Burgamoasta d' Wimpeln aus
Da Franzos, der hält a lange Red, de is net schlecht, ma verstehts bloß net
Jetz laafa d' Mannschaften scho ei, schau hi, do is a Neger dabei!
Da Veteranenvereinsvorstand sogt: "Buam, machts Deutschland ja koa Schand!"
"Jetz schaugts amoi des Krispal o, der laaft am Metzger glatt davo
Doch hintn kimmt da Jack daher, der is an de 3 Zentner schwer
Körpereinsatz, Body-check... oan Franzosn tragns scho weg!
Vom Schienboa schaugt a Knocha raus - i glaub der muaß ins Krankenhaus!"
"Jess', Mari und Josef, jetz gehts auf! Am Jack, dem hauns jetz oane nauf
Des macht der Neger doch mit Fleiß! Bravo, Schiri! Platzverweis!
Sieg für Deutschland! So muaß' sei!" Und ois' marschiert ins Bierzoit nei
Da Horst von de Republikaner vorn dro mit einer mordstrumm Fahna
"Hock her, Franzos, do sauf a Maß! Do hintn gibts an Leberkaas!"
Ruckizucki, Kufsteinlied. Alles sauft und schunkelt mit
"Alle Menschen werden Brüder!" - "Do hintn schlogns an Neger nieder!"
"Die Krüge hoch, wir sind bereit! Ein Prosit der Gemüatlichkeit!"
