Balti Harba
[Paroles de Balti "Harba | كلمات بلطي " هربة]
[المقطع الأول]
الحكومة و التشش كيف كيف ما عناشي ثيقة
شفنا الوسخ في تونس يتغطى بتصفيقة
برشة قضايا هوني تتغطى بتلفيقة
تونس بلاد جعالة مرهونة في وريقة
يحبوك مصامم هوني ما تشوفش لحقيقة
يحبوك مخدر كابس داقق الزريقة
تخدم تسكت تسكر و تروح شوليقة
تحشالك وسع بالك و أسمع الموسيقى
اتكلم تاكل الكف ماتراك تشلبيقة
تنحي مريولك في الحومة توفى تخربيقة
بوليس يتبلى عليك صنع منك خليقة
توفى دبوزة قاز في بدنك حريقة
العمر عدى قدامك و أيامك دقيقة
تلوج ع الحب لا لقيت شفة لا تعنيقة
التشش في تونس تضوي على ليبيا الشقيقة
تحب اتقطع من هوني تونس إلى اللقاء
[اللازمة]
موسيقى هاوس
[المقطع الثاني]
تلوج ع الهربة لقيت روحك تكساتزي
حبوب حبوب حبوب هارب مل كوازي
الشعب مدبرم شطرها دخلت للرازي
يحبوني مهبول مخلبز في راسي
صنعو منك جهادي في راسك كاميكازي
يحبوك تهاجر لحلب و البنغازي
يحبوك شاقق البحور غارق في بالانصي
ضايع في الغربة للطليان ولا تفرانسي
تجي تخمم يا حوما خيوطك تماصي
يحبوك بكوش تتكلم تباصي
ما يحبوك تصلي و ما يحبوكش عاصي
تونس بلاد عتب مرزوقي و نواصي
هوني لا لقيت مستقبل لا حاضر لا باسي
قلمي وفالو لحبار و ديبلومي قرطاسي
البطالة و الهملة حرقة على كومباسي
نلوج ع الهربة وين و يزي ما نقاسي
[اللازمة]
موسيقى هاوس
[المقطع الثالث]
ضايع
نلوج ع الهربة وين؟؟
ضايع
ماكش عارف وين ؟؟
ضايع
شيخة و رانا ناسين؟؟
ضايع
قلي وين ماشين؟؟؟
يحبوك شيخة إنتحاري لا تسمع لا إتبع أخبار
غدروك شروك و باعوك و رخسوك كيما الدينار
بلادي دولة قمار طحنا وطلع الدولار
باعولك الشيخة و غيبوك تتحنط تنفض الغبار
[اللازمة]
موسيقى هاوس
