Ambros Wolfgang Es Lebe Der Zentralfriedhof
Es lebe der Zentralfriedhof, und olle seine Toten.
Der Eintritt is' für Lebende heit' ausnahmslos verboten,
Weü da Tod a Fest heit' gibt die gonze lange Nocht,
Und von die Gäst' ka anziger a Eintrittskort'n braucht.
Wann's Nocht wird über Simmering, kummt Leben in die Toten,
Und drüb'n beim Krematorium tan's Knochenmork ohbrot'n.
Dort hinten bei der Marmorgruft, durt stengan zwa Skelette,
Die stess'n mit zwa Urnen on und saufen um die Wette.
Am Zentralfriedhof is' Stimmung, wia's sei Lebtoch no net wor,
Weu olle Tot'n feiern heite seine erscht'n hundert Johr'.
Es lebe der Zentralfriedhof, und seine Jubilare.
Sie lieg'n und sie verfeul'n scho durt seit über hundert Jahre.
Drauß't is' koit und drunt' is' worm, nur monchmol a bissel feucht,
A-wann ma so drunt' liegt, freut man sich, wenn's Grablaternderl
Leucht'.
Es lebe der Zentralfriedhof, die Szene wirkt makaber.
Die Pforrer tanz'n mit die Hur'n, und Juden mit Araber.
Heit san olle wieder lustich, heit lebt ollas auf,
Im Mausoleum spü't a Band, die hot an Wohnsinnshammer d'rauf.
(Happy Birthday! Happy Birthday! Happy Birthday!)
Am Zentralfriedhof is' Stimmung, wia's sei Lebtoch no net wor,
Weu olle Tot'n feiern heite seine erscht'n hundert Johr'.
(Happy Birthday! Happy Birthday!)
Es lebe der Zentralfriedhof, auf amoi mocht's an Schnoiza,
Da Moser singt's Fiakerliad, und die Schrammeln spü'n an Woiza.
Auf amoi is' die Musi stü, und olle Augen glänz'n,
Weu dort drü'm steht da Knoch'nmonn und winkt mit seiner Sens'n.
Am Zentralfriedhof is' Stimmung, wia's sei Lebtoch no net wor,
Weu olle Tot'n feiern heite seine erscht'n hundert Johr'.
(Happy Birthday! Happy Birthday! Happy Birthday!...)
(This song was released by Wolfgang Ambros for the 100th
Anniversary of Vienna's biggest cemetary, the "Zentralfriedhof".
Transcribed by:
[email protected])
