die schtifu  wo du dinne schteisch si irgenwenn e chue gsii
& d'fläsche ufem tisch isch vorhär 17 jahr zue gsii
& ds grosi wo serviert isch irgenwenn e chliine goof gsii
aues wo hütt wieder hip isch isch geschter no doof gsii
hie wo hütt dä schpunte schteit het's früecher mau es fäud gha
dr werner het bis vor paar jahr no ziemli huufe gäud gha
dr röfe isch tot - dr thömu isch tot - sie si beidi scho lang gschtorbe
& niemer cha dr säge was us dene no wär worde
am morge we dr wecker geit isch aus nume e troum gsii
dr schtueu unger dim arsch isch irgendwenn e schöne boum gsii
dr ferdinand isch gschtorbe - süsch hätt me ne kaschtriert
& we dr fahrer nid wär blind gsii wär dr unfau nid passiert
i ha früecher es paar heude gha - i ha se irgendwenn vergässe
chasch e ganze tag ir chuchi schtah - ire viertuschtung isch's gfrässe
du chasch dis ganze läbe warte - bruuchsch di niemeh eim z'verschänke
& irgendeinisch bisch im autersheim am schiffliversänke
du chasch warte bis de schwarz wirsch aber gloub mr dä chunnt nümm
es chunnt aus eso wie's chunnt & irgendwenn isch's nümm so schlimm
& irgendwenn chunnt wieder eine & irgendwenn isch dä nümm da
we jedi wäge jedem depp wett i ds chloschter gah
du chasch gloube was de wosch & du chasch gloube dä isch's gsii
& du chasch gloube s'chönni nie mit em ne andere so sii
& irgendwenn schteit eine vor dr - & villecht geit's haut es paar jährli
& när ghörsch plötzlech wieder giige & trumpete wie im märli
gloub doch was de wosch aber irgendwenn wosch's wieder wüsse
& we d'e prinz wosch muesch haut villecht zersch no zwe drei frösche küsse